Ulluinnarlugu Eqip Sermianut angalaneq
Sermeq iigartartoq kusanaqisoq tinguartinnaqisorlu qanimut misigiuk.
Eqip sermia iigartartoq Ilulissaniit 80 km–imik ungasissusilimmiittoq misigiartoruk.
Angallammiit sermeq iigartartoq takunissaa tusaanissaalu periarfissaavoq.
Meeqqat (ukiut 2–11) DKK 1.222,50
Naalungiarsuk (ukiut 0–1) akeqanngilaq
Angalanermut ilaareertut:
- Eqip Sermianut angallammik pitsaasumik Disko Line–minngaanneersumik angalaneq – Disko Line tassaavoq Kalaallit Nunaanni angallannermut sullissisuni annerpaaq
- Sermeq iigartartup akunnerni marlunni saavaniinneq
- Angalanermi takornarissanut angallassisoqassooq
- Eqip sermia iigartartoq pillugu paasissutissat takornarissanik angallassisuminngaanniik angalanerup ingerlanerani tunniunneqassapput
- Ullup qeqqasiutit mamaqisut Kalaallit Nunaanninngaanneersunik nioqqutissanik akullit, kaagi, kaffi, aammalu tii
- Tulattarfimmut angallanneqarneq aammalu utimut Disko Line Explorer allaffiata silataanut Ilulissaniittumut
- Nammineerlutit imeruersaatissarnik nassarsinnaatitaavutit soorlu: imeq sodavandillu (kaffi tiilu ilaareerput)
Sermit iigarneri alutornaqisut
Umiatsiarluni sermeq iigartartoq qanillineqarsinnaavoq takuniarlugu tusaaniarlugulu. Iluliarsuit kaanngarpalunneri, kusanagaassusaatalu takuneri misigisaq immikkuullarittuusoq qularnanngilaq
Angalaneq Ilulissaniik aallartikkuni avannammut Kangerluarsuk saneqqullugu, nunaqarfik Oqaatsut aammalu Paakitsoq saneqqunneqassapput. Iluatsitsinermi angalanerup ingerlanerani arferit puisillu takuneqarsinnaassapput. Ikerasakkut ingerlanermi qaqqat sivingasuut, timmissat qorlortullu kusanaqisut takuneqarsinnaapput.
Eqip sermianut iigartartumut apuunnermi angallat akunnerni marlunni uninngassooq sermersuup nunamut imaanulluunniit ujangisimanerata saavani. Tassani iluliarsuit kaanngarneri qimerloorneqarsinnaassapput. Takornarissanik angallassisoq Eqip Sermia pillugu oqaluttuassooq ullup qeqqasiutinillu mamaqisunik sassaalliissalluni.
Angalaneq ullormik iluittumik sivisussuseqarpoq, taamaalilluni misigisaqarluarnissaq Kalaallit Nunaata pinngortitaani avaqqunneqarsinnaanngilaq.
Paasissutissat
- Sivisussuseq: angalaneq akunnerit 2–5–inik sivisussuseqarpoq, apeqqutaallunili angallatip atorneqartup suussusaa. Taassumap saniatigut angallat sermersuup nunamut imaanulluunniit ujangisimanerata saavani akunnerit marluk missaani uninngassooq.
- Ukiup ingerlanerani piffissaq: Angalaneq pissaaq aasaanerani Juunip qeqqani qaammat aallarnerfigalugu September tungaanut. Atisat oqortut nassarnissaat eqqaamagiuk. Kangerluup qinnguani aasakkut ukiukkullu nillertarpoq.
- Malugiuk: Umiatsiaq naliginnaasumik aamma Glacier Lodge Eqi–imut takornariartitsisarpoq. Angalanissat sivittorusukkukku unnuinertalimmik pinngortitamilu pisunnissamut periarfissalimmik, World Of Greenland–ikkut inniminniisinnaavutit. Minnerpaamik ilaasussat arfineq-pingasuussapput(8) angalaneq pissappat.
Meeqqat (ukiut 2–11) DKK 1.222,50
Naalugiarsuk (ukiut 0–1) akeqanngilaq
Angalanerit pissanganartut allat
Arfernik takornariarneq
Meeraq (ukiut 2–11) DKK 597,50
Naalungiarsuk (ukiut 0–1) akeqanngilaq
Iluliarsuit akornasigut angalaneq
Meeraq (ukiut 2–11) DKK 347,50
Naalungiarsuk (ukiut 0–1) akeqanngilaq
Qeqertarsuup tunuani aalisariarneq
Meeraq (ukiut 2–11) DKK 497,50
Naalungiarsuk (ukiut 0–1) akeqanngilaq
