Iluliarsuit akornasigut angalaneq
Kalaallit Nunaanni pinngortitarsuaq kusanaqisoq, pikkuginaqisorlu qanimut takorusuppiuk? Taamaappat iluliarsuit akornasigut Qeqertarsuup tunuani angalaqatigitigut.
Meeraq (ukiut 2–11) DKK 347,50
Naalungiarsuk (ukiut 0–1) akeqanngilaq
Angalanermut ilaareertut:
- Qeqertarsuup tunuani akunnerni 2,5–ini sivisussusilimmi angallammik pitsaasumik Disko Line–minngaanneersumik angalaneq – Disko Line tassaavoq Kalaallit Nunaanni angallannermut sullissisuni annerpaaq
- Angalanermi takornarissanut angallassisoqassooq
- Sermersuaq pillugu paasissutissat takornarissanik angallassisuminngaanniit angalanerup ingerlanerani tunniunneqassapput
- Imeruersaat Kalaallit Nunaanninngaanneersunik paarnanik aammalu naasunik akulik. Angalanerup ingerlanerani nilannik qaqitsisoqassooq, taakkulu imeruersaammut aamma ilanngunneqassallutik
- Tulattarfimmut angallanneqarneq aammalu utimut Disko Line Explorer allaffiata silataanut Ilulissaniittumut
Avatagiisit kusanarluinnartut
Sermeq Kujalleq 2004–imi UNESCO–p kingornutatut eriagisassatut ilanngunneqarpoq. Ullormut Kangianiik siku tonsit millionilikkaat Qeqertarsuup tunuanut aniasarpoq. Taassumap kingunerisaanik iluliarsuit angisuut pinngortarput kangerluullu paavani ikkannersami ikkarlittarput. Iluliarsuit kusanaqisut, tupinnaqisullu akornanni angalanissannut periarfissaqarputit.
Sila qanoq ikkaluaraangalluunniit iluliarsuit alutornartuaannarput. Seqinnarissumi immamut tarranitsiterneri nuiaqartillugu tungujualaartumik qalipaatinilertarnerat, seqerngullu tarrilernerani qinngornerata iluliarsuarnut kusatsitsisarnerat misigisassanut ilaapput. Inuppassuit Ilulissanut utertarput iluliarsuit alutornassusaat pillugit.
Maajip 21–ninngaanniik Juulip 24–ata tungaanut Ilulissani seqineq kaaviinnalertarpoq. Innersuunnaqaaq Ilulissaniitillutit unnuakkut seqinnarissumi angalaneq immikkuullareqisoq misiginissaa.
Paasissutissat
- Sivisussuseq: Akunnerit 2,5
- Ukiup ingerlanerani piffissat angalaffiusut: Iluliarsuit akornasigut angalaneq ukioq naallugu pisarpoq. Atisat oqortut nassarnissaat eqqaamagiuk. Kangerluup paavani nillertarpoq aasakkut ukiukkullu.
- Malugiuk: Angalanissaq pissappat, minnerpaamik ilaasussat sisamaasariaqassapput
Meeqqat (ukiut 2–11) DKK 347,50
Naalungiarsuk (ukiut 0–1) akeqanngilaq
Angalanerit pissanganartut allat
Ulluinnarlugu Eqip Sermianut angalaneq
Meeqqat (ukiut 2–11) DKK 1.222,50
Naalungiarsuk (ukiut 0–1) akeqanngilaq
Arfernik takornariarneq
Meeraq (ukiut 2–11) DKK 597,50
Naalungiarsuk (ukiut 0–1) akeqanngilaq
Qeqertarsuup tunuani aalisariarneq
Meeraq (ukiut 2–11) DKK 497,50
Naalungiarsuk (ukiut 0–1) akeqanngilaq
